Mjekët kanë marrë leje të trajtojnë një pacient britanik, i cili është prekur nga sëmundja CJD, përmes një teknike inovative, për herë të parë në botë.

Aktualisht nuk ka ndonjë tretman për sëmundjen e rrallë dhe vdekjeprurëse të trurit, CJD, e njohur ndryshe si “sëmundja e lopëve të çmendura” tek njerëzit.

Mjekët në Londër kanë marrë leje për përdorimin testues tek njerëzit nga Gjykata për Mbrojtje.

Shkencëtarët kanë deklaruar se testimet e antitrupit të zhvilluar nga njerëzit në laborator janë premtuese, megjithatë nuk kanë njohuri se si mund të reagojnë pacientët.

Në këtë rast pacienti, i cili nuk është emëruar, ka “sporadik CJD”, forma më e shpeshtë e kësaj sëmundje tek njerëzit. Kjo është ndryshe nga varianti CJD, version i cili lidhet me konsumimin e mishit të infektuar nga BSE. “Sporadik CJD” ndodhë kur proteinat e shëndosha në trupin e njeriut spontanisht bëhen pa formë dhe fillojnë të ndërtohen në tru.

Antitrupi i zhvilluar në laborator, PRN100, ka për qëllim të parandalojë proteinat e deformuara të ngjiten në proteinat e shëndosha, që nënkupton se ato nuk mund të rriten dhe të shkaktojnë dëme në tru.